Dilshod Nuraliyev bosh murabbiyligidagi O‘zbekiston o‘smirlar terma jamoasi Osiyo chempionati saralash bosqichiga tayyorgarlik ko‘rish doirasida Qatar U-16 termasiga qarshi ikkita o‘rtoqlik o‘yini o‘tkazishni rejalashtirgan edi.

Mazkur uchrashuvlar 19 va 21 avgust kunlari bo‘lib o‘tishi kerak edi. Tashkilotchi tomon – Qatar futbol assotsiatsiyasi rejalari o‘zgargani haqida ma’lum qildi. Shu sababli, O‘zbekiston o‘smirlar termasi Qatarga yo‘l olmaydi, deb yozmoqda Qalampir.uz.

Eslatib o‘tamiz, O‘zbekiston o‘smirlar termasi 2018 yil U-16 Osiyo chempionatiga saralash bosqichiga tayyorlanmoqda.

Saralash bosqichi shu yilning 16–24 sentyabr kunlari Saudiya Arabistoni poytaxti Ar-Riyod shahrida bo‘lib o‘tadi.