Ispaniya chempionati doirasidagi "Real Madrid" - "Barselona" uchrashuvi bo‘lib o‘tdi.

O‘yinning 28-daqiqasida burchak to‘pidan so‘ng Serxio Ramos to‘pni darvozaga yo‘lladi, zarba darvoza ustuniga tegib qaytdi, qaytgan to‘pni Kazemiro bo‘sh darvozaga yo‘llab hisobni ochdi - 1:0, deb yozmoqda Sof.uz.

Oradan ko‘p o‘tmay Lionel Messi raqib jarima maydoni yonida ikki raqibni aldab Keylor Navas darvozasini ishg‘ol qildi - 1:1.

73-daqiqada Toni Kroosni aldagan Ivan Rakitich chap oyog‘ida darvozaning uzoq ustuni yoniga zarba berib gol urdi - 1:2.  Uchrashuv tugashiga 5 daqiqa qolganida Chap qanotdan uzatilgan to‘pni Xames Rodriges yaqin masofadan gol urib hisobni tenglashtirdi - 2:2.

Hakam tomonidan qo‘shib berilgan so‘nggi ikkinchi daqiqada Albaning pasidan so‘ng Messi kuchli zarba bilan gol urdi va "Barselona"ga g‘alaba keltirdi - 2:3.

"Real Madrid" - "Barselona" 2:3 23 aprel. Madrid. "Santyago Bernabeu" stadioni. Bosh hakam - Alexandro Ernandes (Santa-Krus-de-Tenerife). Gollar: Kazemiro 28, - 1:0. Messi 33, - 1:1. Rakitich 74, - 1:2. Xames 85, - 2:2. Messi 90+2, - 2:3. "Real Madrid" - Keylor Navas, Karvaxal, Nacho, Serxio Ramos, Marselo, Kazemiro (Kovachich, 70), Kroos, Modrich, Beyl (Asensio, 39), Benzema (Xames, 82), Ronaldu "Barselona" - Ter Shtegen, Pike, Rakitich, Buskets, Inesta, Suares, Messi, Alkaser (Andre Gomesh, 70), Alba, Serxi Roberto, Yumtiti Chetlatish: Serxio Ramos 77