30 yanvar kuni professional tennischilarning haftalik yangi reytingi e’lon qilindi.

Reytingda O‘zbekistonning birinchi raqamli tennischisi Denis Istomin ikki hafta avvalgi o‘rniga nisbatan 37 pog‘onaga ko‘tarilib, 80-o‘rinni egallab turibdi.

Xabaringiz bor, Denis Istominning “Katta Dubulg‘a” turkumiga kiruvchi Avstraliya Ochiq chempionatining yakkalik bahsida dunyoning 2-raketkasi Novak Jokovichni mag‘lub etishi tennis olamida katta shov-shuvga sabab bo‘ldi.

Turnirning nimchorak finalga qadar yetib borgan Istomin ilk davrada xorvatiyalik Ivan Dodigni, ikkinchi bosqichda dunyoning ikkinchi raketkasi, serbiyalik Novak Jokovichni, uchinchi davrada ispaniyalik Pablo Bustani mag‘lubiyatga uchratishga muvaffaq bo‘lgandi.

Reytingda ikkinchi raketkamiz Sanjar Fayziyev 367-o‘rinda e’tirof etildi.

Avstraliya Ochiq chempionati g‘olibiga aylangan shveysariyalik tennis afsonasi Rojer Federer 7 pog‘onaga ko‘tarilib, kuchli o‘ntalikka qaytdi. Finalchi Rafael Nadal esa 9-pog‘onadan 6-o‘ringa ko‘tarildi, deb yozadi Sof.uz nashri.