Parijdagi 0:4 hisobidagi mag‘lubiyatiga qaramay, Kataloniyaning «Barselona» klubi Chempionlar ligasining chorak finaliga yo‘l oldi.

«Kamp Nou» stadionida kechgan javob bellashuvi 6:1 hisobi bilan o‘z yakuniga yetdi. Birinchi bo‘limni 2 ta gol farqi bilan yakunlay olgan Ispaniyaning amaldagi chempioni 62-daqiqada o‘z darvozasidan gol o‘tkazib yubordi va vaziyatni yanada qiyinlashtirdi, deb yozadi Daryo.uz.

Uchrashuv asosiy vaqti yakuniga 3 daqiqa qolganida esa haqiqiy tomosha boshlandi va «Barselona» yana 3 ta gol urishga muvaffaq bo‘ldi. Bunda Neymar dubl qayd etgan bo‘lsa, zaxiradan maydonga tushgan Serxi Roberto so‘nggi soniyalarda jamoasini navbatdagi bosqichga olib chiqqan golga mualliflik qildi.

Ma’lumot uchun, Chempionlar ligasi tarixida 0:4 hisobidagi mag‘lubiyatdan keyin kambek qilgan jamoa yo‘q edi. «Barselona» bu borada birinchi bo‘ldi va tarixiy natijaga qo‘l urdi.

Yevropa Chempionlar ligasi 1/8 final 8 mart, chorshanba

«Barselona» — «PSJ» 6:1

Gollar: Luis Suares, 3 (1:0). Leyvin Kyurzava, 40-avt (2:0). Lionel Messi, 50-pen (3:0). Edinson Kavani, 62 (3:1). Neymar, 88 (4:1). Neymar, 90+1-pen (5:1). Serxi Roberto, 90+5 (6:1). Dastlabki uchrashuv: 0:4