4 mart kuni Toshkentdagi “O‘zbekiston” sport kompleksida bo‘lib o‘tadigan “The World Series Boxing” (WSB) – Butunjahon boks seriyalari VII mavsumidan o‘rin olgan “Uzbek Tigers” va “Patriot Boxing Team” o‘rtasidagi uchrashuv tafsilotlari ma’lum bo‘ldi. Bu haqda Qalampir.uz yozmoqda
Unda o‘zbekistonlik bokschilar Abdulhay Shorahmatov, Elnur Abduraimov, Isroil Madrimov, Zuhriddin Mahkamov va Hasanboy Do‘stmatov ishtirok etishi rejalashtirilgan.
WSB turnirida umuman yengilmagan bokschi Hasanboy Do‘stmatov uchun bu jang Rio Olimpiadasidan beri birinchisi hisoblanadi. S1 guruhidan joy olgan bu o‘yinda Rossiyaning “Patriot Boxing Team” jamoasi bokschisi Bator Sagaluyev Hasanboyga qarshi ringga ko‘tariladi.
Bundan avvalgi Qozog‘istondagi janglarda ishtirok etgan Olimpiadachi bokschilarimiz Toshkentda ringga chiqmaydi.
Alisher Ro‘ziohunov
