O‘zbekistonda ko‘plab xorijiy aviakompaniyalar xizmat ko‘rsatishi yo‘lga qo‘yiladi. Nukus aeroportida yangi terminali ochilish marosimi o‘tkazildi. Unda O‘zbekiston bosh vazirining birinchi o‘rinbosari Ochilboy Ramatov so‘zga chiqdi.

"O‘zbekistonda yaqin vaqtlarda "O‘zbekiston havo yo‘llari" milliy aviakompaniyasidan tashqari ko‘plab boshqa xorijiy aviakompaniyalar xizmat ko‘rsatishi yo‘lga qo‘yiladi. Nukus shahridagi Savitskiy nomidagi san’at muzeyiga xorijiy sayyohlarda qiziqish juda katta. Bu o‘z navbatida xorijiy aviakompaniyalar yanada ko‘proq sayyohlarni olib kelishga yordam beradi. Ularni taklif qilish bo‘yicha aviakompaniyalar bilan muzokaralar olib bormoqdamiz", — deb ta’kidladi Ochilboy Ramatov.