O‘zbekiston Respublikasi Milliy gvardiyasi Harbiy-texnik institutida harbiy-professional tanlash tadbirlarini o‘tkazish tartibi Adliya vazirligida davlat ro‘yxatidan o‘tkazildi. Bu haqda Adliya vazirligining telegrammdagi sahifasida xabar qilindi.

Unga ko‘ra, harbiy-professional tanlash tadbirlari qabul komissiyasi raisi tomonidan tasdiqlanadigan reja-jadval asosida 1 iyundan 25 iyunga qadar Harbiy-texnik institutida o‘tkaziladi.

Harbiy-professional tanlashda quyidagi tadbirlar tashkil etiladi va o‘tkaziladi: hujjatlarni o‘rganish; psixofiziologik o‘rganish; tibbiy ko‘rikdan o‘tkazish; yozma ish (diktant); kompyuter nyexnikasi va axborot-kommunikatsiya texnologiyalarini bilish darajasini tekshirish; yakka tartibdagi yakuniy suhbat.