Osiyo Chempionlar Ligasi–2017 turniri “A” guruhi 3-turida Eronning “Istiqlol” jamoasi o‘z maydonida Toshkentning “Lokomotiv” futbolchilarini qabul qildi.

Mazkur o‘yinda tehronliklar 2:0 hisobida zafar quchdi. Uchrashuvning 37-daqiqasida Farshid Ismoili hisobni ochdi. 84-daqiqada Ali Gorbani himoyachilar xatosidan unumli foydalanib, hisobni oshirdi – 2:0. O‘yin yakuniga qadar ushbu hisob saqlanib qoldi.

Mazkur o‘yindan keyin “Lokomotiv” 3 ochko bilan “A” guruhida hozircha oxirgi – to‘rtinchi o‘rinni egallab turibdi. “Istiqlol” 6 ochko jamg‘argan holda hozircha 1-o‘rinni band qildi, deb yozadi Darakchi.uz.

Avvalroq Toshkentning yana bir jamoasi — "Bunyodkor" o‘z maydonida Eronning "Zob Ahan" klubiga 0:2 hisobida yengilgandi.

OChL–2017. “S” guruhi, 3-tur Tehron, “Ozodi” stadioni 13 mart, dushanba

“Istiqlol” Tehron (Eron) – “Lokomotiv” (O‘zbekiston) 2:0

Gol: Farshid Ismoili (37), Ali Gorbani (84)

“Istiqlol”: 1.Mahdi Rahmati, 2.Xusro Xaydari, 3.Robson Januario, 6.Omid Ibrohimi, 9.Kaveh Rizoi, 17.Ali Gorbani (28.Sayid Muhsin Karimi, 90), 18.Milad Zakipurkinji, 24.Omid Nur Afkan, 77.Behnam Barzayi (14.Farshid Bageri, 88), 88.Farshid Ismoili (74.Mujtaba Xaqdo‘st, 77), 90.Leandro Padovani

“Lokomotiv”: 1.Ignatiy Nesterov, 4.Boburbek Yo‘ldoshev, 5.Kaxi Maxaradze, 8.Salamat Qutiboyev (29.Quvondiq Ro‘ziyev, 80), 10.Marat Bikmayev, 15.Sardor Mirzayev (22.Murod Bobojonov, 89), 18.Timur Kapadze (7.Nore Krizo, 68), 20.Islom To‘xtaxo‘jayev, 28.Shuhrat Muhammadiyev, 33.Oleg Zoteyev, 99.Jaloliddin Masharipov.