O‘zbekistonda prokuratura xodimlariga avtomobil xarid qilishda imtiyozlar taqdim etiladi, deb xabar qildi "Xalq so‘zi" nashri.

Prokuratura xodimlari avtokreditlarni "Asaka" bank orqali olishlari mumkin. Kredit 10 yil davomida to‘lanadi. Avtomobil narxining 25 foizi dastlabki badal sifatida to‘lanadi. Kreditning yillik foizi qayta moliyalash stavkasi 14 foiz ko‘rsatkichida bo‘ladi.

Ushbu shartlar asosida kreditga mashina olmoqchi bo‘lgan prokuratura organlari xodimlarining ro‘yxati Bosh prokuratura tomonidan taqdim etiladi.

Shu yil aprel oyi oxirida O‘zbekistonda jinoiy ishlarni elektron shaklga o‘tkazilgandi. Tajriba loyihasi Toshkentning ikkita tumanida boshlangan. 2019 yil 1 oktyabrga kelib tegishli qo‘shimchalar kiritib, doimiy ravishda tatbiq etilishi ta’minlanadi. Ushbu tashabbusni amalga oshirish chog‘ida qog‘oz va elektron shakllardan foydalaniladi. Yangi tizim tergovchi, sudya va prokurorlarning xatolarini kamaytirishga yordam beradi.