Rossiyalik milliarder Alisher Usmonov amerikalik sportmagnati Sten Kronkega Londonning "Arsenal" klubidagi o‘z aksiyalarini 712 million dollarga sotib yubordi. Bu haqda Goal.com xabar qilgan.

Klubning deyarli 98 foiz aksiyasi Kronke qo‘l ostida bo‘ladi.

Shuningdek, Kronke AQShda basketbol jamoasi (Denver Nuggets), futbol klubi (Colorado Rapids), xokkey jamoasi (Colorado Avalanche) va amerikacha futboldagi professional klubga (Los Angeles Rams) egalik qiladi.

Alisher Usmonov ham "to‘pchilar" nazoratini butunlay o‘z qo‘liga olish maqsadida bir necha bor amerikalik ishbilarmon bilan muzokara o‘tkazgan edi. Afsuski, bu muzokaralar besamar yakunlangan.