Ҳар бир оилали эркак киши учун жинсий қувват жуда муҳим масала. Оиланинг мустаҳкамлигида ҳам унинг катта ўрни бор, албатта. Шу нуқтаи назарда ҳар бир эркак бунга жиддий эътибор қаратиши, ўзига вақт ажратиб, қувватнинг доимийлигини таъминловчи жиҳатларни назорат қилиб бориши керак. Унутмаслик жоизки, жинсий қувватни оширишда кимёвий воситлардан кўра, табиий маҳсулотларга урғу қаратиш мақсадга мувофиқ. Чунки бу, биринчи галда, организм учун фойдали. Хўш, жинсий қувватни оширишда қандай табиий маҳсулотларни истеъмол қилган маъқул? Мутахассислар қуйидаги тавсияларни беришади:
Саримсоқпиёзнинг учта доначаси. Уни ҳар куни истеъмол қилинг. Бу нафақат шамоллашга қарши профилактика, балки жинсий қувватни оширишга ҳам ёрдам беради.
Ошқовоқнинг хом ёки қовурилган уруғи. Уни доимий истеъмол қилиш ҳам эркак кишининг соғлигини мустаҳкамлаш ва жинсий қувватини ошириш учун жуда фойдали.
Асалли аралашма. Бир неча замонлардан бери қувватни оширувчи манба сифатида асал истеъмол қилинади. Масалан, асал, алоэ соки ва петрушканинг уруғини аралаштириб, 20 кун сақланади ва истеъмол қилинади. Ёки асал, сабзи ва занжабилли аралашма ҳам қувватни оширади. Шунингдек, ёнғоқ, асал ва алоэ аралашмаси ҳам қадим замонлардан бери истеъмол қилинади.
Ярим кило ёнғоқ мағзи, 300 грамм асал ва 100 грамм алоэ аралаштирилади. Тайёр бўлган маҳсулотни таомдан аввал 300 граммдан истеъмол қилиб турилади. Умуман олганда, эркаклик қувватини ошириш учун асал, қовун, петрушка, қовоқ, творог, саримсоқпиёз, пиёз, зира каби маҳсулотларни доимий равишда истеъмол қилиб бориш зарур. Бунда, албатта, организмнинг ўзига хос томонларини ҳисобга олиш талаб қиланади.
Ёки икки ошқошиқдаги қирғичдан чиқарилган сабзини 1 стакан қайнаган сутга солиб, 10 дақиқа паст оловга қўйинг. Ҳар куни 3 маҳал 100 граммдан истеъмол қилиб туринг.
Сабзавотли аралашмалар
Жинсий қувватни оширишда қайнатилган шолғомнинг ҳам нафи катта. Шолғoмни қирғичдан ўтказиб, тенг миқдордаги сабзи билан аралаштиринг. Ҳар куни уч маҳал асалга аралаштириб, ярим стакандан истеъмол қилинг.
Ширин чой
Маълум миқдордаги занжабил, ширинмия илдизи ва долчин аралаштирилади. Стаканга солиб, қайнаган сув қуйилади ва паст оловга қайнагунча қўйилади. Тайёр бўлгач, тиндириб олиниб, ҳар куни ярим стакандан истеъмол қилиб борилади.
Асалли сабзи
Сабзи шарбатини тенг миқдорда асал билан аралаштириб ичишнинг фойдасини синаб кўрганингизда биласиз. Бунинг учун тайёр аралашмани ҳар куни 60 граммдан 3 маҳал ичиш талаб этилади.
Оқ қўзиқорин
Оқ қўзиқорин нафақат барча қўзиқоринлар қироли, балки жинсий қувватни оширувчи маҳсулот сифатида қадрланади. Уни таъбингизга қараб, истаган услубда истеъмол қилсангиз бўлади.
Мазкур услублар бир неча йиллардан буён амалда қўлланилиб, фойдаланиб келинмоқда. Қувватнинг доимий яхши даражада бўлишини истасангиз, қурбингиз етганича айтилган маҳсулотлардан истеъмол қилиб туринг. Энг муҳими, ҳаммаси табиий тоза маҳсулотлар.
