Ҳозирда жаҳон бўйича энг муаммоли дард бу бепуштлик дардидир. Бу дард ортидан келиб чиқадиган касалликларга эса асаб ва руҳий касалликларни мисол келтиришимиз мумкин.Аслида, эркак бепуштлигига сабаб бўлувчи омиллар жуда кўп. Энг кўп учрайдиганларини санайдиган бўлсак,

• туғма етишмовчиликлар (крипторхизм ёки монорхизм – моякнинг ўз ўрнига тушмаганлик ҳолати, моякнинг биттаси ёки иккаласи ҳам ёрғоқда бўлмай, қорин бўшлиғида қолиши; анорхизм – баъзан иккала, кўп ҳолларда битта моякнинг туғма бўлмаслиги; гипоспадия – сийик чиқариш йўлининг қисман ёки бутунлай бўлмаслиги; эписпадия – эркаклар ташқи сийдик йўлидан бир қисмининг туғма камчилиги, масалан, шу тешикнинг жинсий олатнинг устки ёки пастки қисмида бўлиши),
• узоқ давом этган чов, чов-ёрғоқ чурралари (грижалари),
• моякнинг ўткир касалликлари – орхит (сил, захм, сўзак ва бошқа касалликларда моякнинг яллиғланиши) ва орхоэпидидимит (еркак жинсий бези ва ортиғининг яллиғланиши),
• моякларнинг буралиши ва шикастланиши,
• простатит ва венерик (жинсий йўл билан юқувчи таносил касалликлари) касалликлар,
• варикотселе – уруғ тизимчасининг варикоз кенгайиши (еркаклар бепуштлигининг 15 фоизини ташкил қилади)
• жинсий бузилиш,
• иммунитетнинг ўта пастлиги, жинсий заифлик,
• гормонал бузилиш, масалан, эркаклик гормони – тестостерон танқислиги,
• ташқи таъсирлар – руҳан сиқилиш, алкогол, тамаки, наркотик моддалар ва баъзи дори воситалари; экологиянинг ёмонлиги (радиация, витамин C ва рух танқислиги), жинсий аъзоларга нисбатан эътиборсиз бўлиш (ҳаддан ташқари тор кийим, оғир жисмоний меҳнат ва бошқалар),
• шаҳват (сперма) таркибининг ёмонлашиши.

Биз санаб ўтганимиз, умумий ҳолдаги тиббий жиҳатлар ҳисобланади. Ўзингиз билганингиздек, ҳар бир инсон алоҳида хусусиятга эга ва бу ҳолатлар ҳам барча одамлар учун фарқ қилиниши мумкин!