Ўзбекистон МТЖ ЖЧ–2018 саралаш босқичида Эронга қарши ўйинга тайёргарлик доирасида Таиланд терма жамоаси билан ўртоқлик учрашуви ўтказади.

Uz24.uz хабарига кўра, мазкур учрашув 6 июнь куни Тошкент шаҳрида бўлиб ўтади.

Маълумот учун, ЖЧ–2018 турнирига саралаш босқичи “А” гуруҳи 7-туридан кейин Ўзбекистон 12 очко билан учинчи ўринда бормоқда. “B” гуруҳидаги Таиланд эса 7 ўйиндан кейин 1 очко билан сўнгги, 6-поғонани банд қилиб турибди.

Эслатиб ўтамиз, Эрон – Ўзбекистон учрашуви 12 июнь куни Теҳрондаги “Озоди” стадионида ўтказилади. Ўйиннинг бошланиш вақти маҳаллий вақт билан 21:15 (Тошкент вақти билан 21:45)га белгиланган.