Турнир жорий йилнинг 10 сентябридан старт олади.

"Sport" телеканали футзал бўйича жаҳон чемпионати ўйинларини кўрсатиш ҳуқуқига эга бўлди, деб Nuz.uz ёзмоқда. Колумбияда бўлиб ўтадиган ушбу турнир жорий йилнинг 10 сентябридан 1 октябригача давом этади.

Эслатиб ўтамиз, Ўзбекистон терма жамоаси футзал бўйича мундиалнинг "А" гуруҳида Колумбия, Португалия, Панама жамоаларига қарши ўйнайди. Терма жамоамиз гуруҳнинг илк учрашувида Панама терма жамоасига қарши баҳс юритади. Учрашув 11 сентябрь куни тонгги соат 04:00да бошланади.