Ҳозироқ югуришни бошлашингиз учун 8 сабаб

Югуриш - хушбичим кўринишга эга бўлишнинг энг яхши ва текин йўли. Югуриш учун ҳеч қандай алоҳида ускуналар ёки махсус жойлар керак эмас, фақат спорт оёқ кийимингиз бўлса бўлди. Югуриш кўп касалликларнинг олдини олишга ва даволашга ҳам ёрдам беради. Албатта югуришнинг ўзи ҳар дардга даво эмас, лекин у орқали асаб, қон айланиш тизимларига ижобий таъсир кўрсатса бўлади.

[дропсап тйпе="сирсле"]1[/дропсап] Югуриш юрак ва қон томирлари фаолиятини яхшилайди, югуриш орқали тўғридан тўғри юрак мушакларини машқ қилдирган бўласиз. Натижада юракнинг кучлироқ бўлиши ва янада самарали ишлаши таъминланади.

[дропсап тйпе="сирсле"]2[/дропсап] Қонда кислород миқдори кўпаяди. Юрак тез ҳаракат қилганида қон оқими тезлашади, қон оқими тезлашганда эса кислород алмашинуви кучаяди. Вужудимизнинг барча тўқималари ва органларига кўп миқдорда қон, кислород ва озиқ моддалари етказилади.

[дропсап тйпе="сирсле"]3[/дропсап] Югуриш чарчашга қарши ҳам яхши даво ҳисобланади. Кундалик юмушлар, асаббозлик организмда салбий ҳусусиятга эга бўлган моддаларни йиғилишга олиб келади. Бу эса умумий чарчоқликни келтириб чиқаради. Чарчоқни тарқатиш учун яхшилаб терлаш керак. Югурганда эса яхшигина терлаймиз.

[дропсап тйпе="сирсле"]4[/дропсап] Вужуд зўриққанда қонда маҳсус эндорфин гормони кўпаяди. Бу гормонни яна ъбахтиёрлик гормони' деб ҳам аташади. Бу бежиз эмас албатта, қонда эндорфин кўпайган вақтда одам ўзини енгил ва ташвишлардан ҳоли ҳис қилади. Натижада асабийлашишдан асар ҳам қолмайди

[дропсап тйпе="сирсле"]5[/дропсап] Югурганда инсоннинг ақлий фаолияти ҳам кучаяди. Менинг тажрибамда югураётган вақтимда кўпинча узоқ ўйлаб юрган муаммоларимнинг ечими топилиб қолади. Бунга сабаб юқорида айтганимдай қон кислород билан тўяди ва бу марказий асаб системаси, шу жумладан миянинг ҳам яхшироқ ишлашига олиб келади.

[дропсап тйпе="сирсле"]6[/дропсап] Доимий тарзда югуриб туриш инсон иммунитетини ҳам кучайтиради. Бунга сабаб қонда эритросит ва гемоглобин меъёрининг ортишидир. Югурганда қондаги зарарли холестерин миқдори камаяди, очлик ҳисси сусаяди ва ичакларнинг ишлаши яхшиланади. Буларнинг натижасида моддалар алмашинуви тезлашиб тана оғирлиги нормаллашади.

[дропсап тйпе="сирсле"]7[/дропсап] Куннинг исталган вақтида югуриш мумкин. Эрталаблари қондаги гармонлар меъёри юқори бўлади ва югуриш умумий меъёрнинг тикланишига сабаб бўлади. Кечқурун ишдан кейин югурганда эса чарчоқ тарқайди, енгил тортасиз, ортиқча иштаҳа очилишининг олди олинади ва мазза қилиб ухлайсиз

[дропсап тйпе="сирсле"]8[/дропсап] Доимий равишда югуриб туриш яна мускул ва суяк системамизга ҳам ижобий таъсир қилади. Катта ёшли одамларда югуриш суяклар ба мускулларнинг ўзгариш жараёнини секинлаштиради.

Қадимги юнонларда бир гап бўлган экан, "Агар кучли бўлмоқчи бўлсанг - югур, чиройли бўлмоқчи бўлсанг - югур, ақлли бўлмоқчи бўлсанг - югур". Шундай экан қани бошладик югуришни!