Dubaydagi "Armani Hotel" mehmonxonasida Osiyo Kubogi-2019 musobaqasi uchun qur’a tashlash marosimi bo‘lib o‘tdi.

OFK tarixida birinchi marta Osiyo Kubogida 24ta jamoa ishtirok etadi. OFK butun Osiyo bo‘ylab muxlislar qiziqishini oshirish maqsadida ishtirokchi davlatlar sonini 16 tadan 24 taga yetkazdi. Jamoalar 6tadan to‘rtta savatchaga bo‘lingan:

A guruhi: BAA, Tailand, Hindiston, Bahrayn B guruhi: Avstraliya, Suriya, Falastin, Iordaniya C guruhi: Janubiy Koreya, Xitoy, Qirg‘iziston, Filippin D guruhi: Eron, Iroq, Vetnam, Yaman E guruhi: Saudiya Arabistoni, Qatar, Livan, KXDR F guruhi: Yaponiya, O‘zbekiston, Ummon, Turkmaniston

Guruhlarda 1 va 2-o‘rinni egallagan, shuningdek, 3-o‘rinni egallagan jamoalardan eng yaxshi 4tasi pley-off bosqichiga, 1/8 finalga yo‘l oladi.

Musobaqa 5 yanvar - 1 fevral kunlari BAAning 4ta shahrida o‘tkaziladi.