- “Zo‘r iste’dod hammada ham bor. Biroq, baliqning qobiliyatiga uning daraxtga tirmashib chiqishiga ko‘ra baho beradigan bo‘lsak, u hayotini behuda yashagan bo‘lib chiqadi.” – Albert Eynshteyn
***
- “O‘zingni tushkun va ojizlar safiga kiritishdan avval atrofing muttaham-kazzoblardan xoli ekaniga ishonch hosil qil.” – Zigmund Freyd
***
- “Boshqalarga baxt tuhfa etish asnosida sen uni o‘zingda his qila boshlaysan. ” – Noma’lum muallif
***
- “Sevmoq – fe’l. Sevgi – tuyg‘u, fe’l bo‘lmish sevgining mevasi. Demak, unga erishish uchun harakat qilish kerak.” – Stiven Kovi
***
- “Erkak ixtiyoridan erkdan bo‘lak hamma narsani tortib olish mumkin. Har qanday sharoitda erkinlikni tanlash insonning huquqi bo‘lib qoladi.” – Viktor Frankl
***
- “Qo‘rqqan azoblanadi, agar azoblanayotgan bo‘lsa, allaqachon qo‘rqoqlik qilgan ekan.” – Mishel de Monten
***
- “Muvaffaqiyat – muvaffaqiyatsizliklar orasida ishtiyoqni so‘ndirmasdan qoqilib-suqilib olg‘a borishdir.” – Uinston Cherchill
***
- “Dunyoni o‘zgartirish istagidagi inson avvalo o‘zi o‘zgarmog‘i lozim.” – Gandi
***
- “Baxtning bir eshigi yopiqligi, boshqasi ochiq ekanligining nishonasi. Ammo yopiq eshikdan boshqasini ko‘rmaydigan insonga ochiq turgan baxt eshigi ham yordam bera olmaydi.” – Helen Keller
***
- “Muammolar – umr bezagi, ularni yengib o‘tish esa umrning mazmunidir.” – Joshua J. Merin
***
- “Bir soatlik baxt uchun bir oz mizg‘ib oling. Bir kunlik baxt uchun baliq oviga chiqing. Bir yil baxtli bo‘lishni istasangiz, katta merosga ega bo‘ling. Modomiki, bir umr baxtiyor yashashni istasangiz, boshqalarga yordam bering.” – Xitoy maqoli
***
- “Hayot muhit emas, ma’no va maqsad yo‘qligi bois qiyinlashadi.” – Viktor Frankl
***
- “Yangi tajriba va bilim bilan kengayib borgan ong hech qachon o‘zining eski holiga qaytmaydi.” – Oliver Uendell Holms
***
- “Hayot aslida sodda. Faqat biz uni murakkablashtirishga urinamiz.” – Konfutsiy
***
- “Hamma ham nimagadir qodir. Gap shundaki, ko‘pchilik kimligi va imkoniyatiga yetarli baho bermasligi tufayli orzulari sari olib boradigan qadamni bosishga jur’at qilmaydi.” – Entoni Robins
***
- “Muvaffaqiyatsizlik qo‘rquvi ustidan qozonilgan g‘alaba chinakam muvaffaqiyatdir.” – Pol Sviney
***
- “Yuksalish – yashashning yagona yo‘lidir. O‘zgarish esa yuksalishning birdan-bir chorasi. O‘rganmasdan turib o‘zgarish mumkin emas. O‘rganish esa fidoyilikni talab qiladi.” – S. Joybell
***
- “Nimadir senga yoqmasa, uni o‘zgartir. Modomiki, uni o‘zgartira olmas ekansan, unga nisbatan munosabatingni o‘zgartir.” – Meri Engelbrayt
***
- “Xatolarga to‘la hayot, garchi hurmatga sazovor bo‘lmasa ham, hech bir urinishsiz va xatolarsiz yashalgan umrdan afzalroq. ” – Jorj Bernard Shou
***
- “Vaqt kutganlar uchun sekin, qo‘rqqanlar uchun tez o‘tsa, qayg‘uga botganlar uchun juda uzoq tuyiladi. U shod-xurramlar uchun juda qisqadek ko‘rinsa, oshiq qalblar uchun esa mangudek go‘yo.” – Genri van Dayk
***
- “Ma’nosiz umrdan, ma’noli o‘lim afzal.” – Korason Akino
***
- “Xudo meni o‘zgartirish qo‘limdan kelmaydigan narsalarni qabul qilishim uchun samimiylik bilan, o‘zgartirishim mumkin bo‘lgan narsalarni o‘zgartirishim uchun jasurlik bilan, ularni ajrata olishim uchun esa aql bilan siylagan.” – Reyngold Nibur
***
- “Ko‘pchilik odamlar anglash uchun emas, javob qaytarish niyatida tinglaydilar.” – Stiven Kovi
***
- “Ko‘pincha kambag‘allik deganda ochlik yoki uysizlikni tushunamiz. Aslida keraksiz bo‘lib, muhabbat va g‘amxo‘rlikka zoriqish chinakam yo‘qsillikdir. Har kim bu baloga qarshi kurashni o‘z oilasidan boshlamog‘i lozim.” – Tereza Ona
***
- “Kecha – o‘tmish, erta – mavhum, hozir atalmish bugun esa – Xudoning mukofotidir.” – Bil Kine
***
- “Sevib qolish emas, sevgidan voz kechmaslik tanlovdir.” – Noma’lum muallif
***
- “Mag‘lubiyatga uchrab, azoblansa ham yashash uchun kurashib, zulmat iskanjasidan yorug‘likka yetib kelganlar aslida eng ko‘rkam va munosib insonlardir. Ular odamlarni oson tushunadilar, his qiladilar, muloyimlik va jonkuyarlik bilan boshqalarning yarasiga malham bo‘lishga intiladilar. Bunday odamlarning kamol topishi hayotning noyob hodisasi.” – Elizabet Kyubler-Ross
***
- “Bizning dunyomiz – bizning o‘y-qarashlarimizning aksidir: ongni o‘zgartirmay turib, bu olamni o‘zgartirish imkonsizdir.” – Albert Eynshteyn
Ingliz tilidan Shuhrat Sattorov tarjimasi
